အီးဇီး အသေးစားငွေရေးကြေးရေးလုပ်ငန်းသည် အကောင်းဆုံးသော အသေးစားငွေရေးကြေးရေး လုပ်ငန်းဖြစ်သည်နှင့်အညီ အသင်းသားများအား ကာကွယ်ပေးခြင်းမူဝါဒ၊ သဘာဝပတ်ဝန်းကျင်နှင့်လူမှုရေး လုပ်ငန်းစဉ်များ၊ တာဝန်ယူမှုရှိပြီးဖြောင့်မတ်၍ ကျင့်ဝတ်စံနှုန်းများနှင့်ကိုက်ညီသော လုပ်ငန်းစဉ်များ (အသင်းဝင်များအားကောင်းစွာနားလည်သိရှိနိုင်ရေး၊ ငွေကြေးခဝါချမှုနှင့် အကျင့်ပျက်ခြစားမှုများအား တိုက်ဖျက်ခြင်း)အစရှိသော စံနှုန်းစနစ်များနှင့်အညီ လိုက်နာဆောင်ရွက်လျက်ရှိပါသည်။
ဆက်ဖတ်ရန်
အသင်းသားများအား ကာကွယ်ပေးခြင်း မူဝါဒ
အီးဇီး အသေးစားငွေရေးကြေးရေးလုပ်ငန်းသည် တာဝန်ယူမှုရှိသော လုပ်ငန်း ဖြစ်သည့်အလျောက် အသင်းသားများအား ကာကွယ်ရေးမူဝါဒကို အောက်ပါစည်းမျဉ်းများအတိုင်း ထောက်ခံကျင့်သုံးလျက်ရှိပါသည်။
(၁) အီးဇီး အသေးစားငွေရေးကြေးရေးလုပ်ငန်းသည် မိမိ၏အသင်းသားများနှင့် ကိုက်ညီမှုရှိသော ဝန်ဆောင်မှုများ ၊ နည်းစနစ်များဖြင့် ကူညီဆောင်ရွက်ပေးပါမည်။
(၂) အီးဇီး အသေးစားငွေရေးကြေးရေးလုပ်ငန်းသည် မိမိ၏အသင်းသားများ ကြွေးနွံနစ်မှုမရှိစေရန် အထူးဂရုပြု ကြိုးစားဆောင်ရွက်ပါမည်။
(၃) အီးဇီး အသေးစားငွေရေးကြေးရေးလုပ်ငန်းသည် အသင်းသားများ အပိုဆောင်းကုန်ကျငွေများ မရှိစေရန် ဈေးနှုန်း ၊ စည်းမျဉ်းစည်းကမ်းစသည်တို့ကို ပွင့်လင်းမြင်သာစွာ အချိန်နှင့်တစ်ပြေးညီ ဆက်သွယ်အကြောင်းကြား ဆောင်ရွက်ပါမည်။
(၄) အီးဇီး အသေးစားငွေရေးကြေးရေးလုပ်ငန်းသည် နှုန်းထားပမာဏများ သတ်မှတ်ရာတွင်လည်း အသင်းသားများအတွက် အဆင်ပြေချောမွေ့ပြီး ကုမ္ပဏီအနေဖြင့် ရေရှည်လုပ်ငန်းဆောင်ရွက်နိုင်စေမည့် နှုန်းထားများဖြင့် သတ်မှတ်ဆောင်ရွက်ပါသည်။
(၅) အီးဇီး အသေးစားငွေရေးကြေးရေးလုပ်ငန်းသည် အသင်းသားများအား မျှတ လေးစားစွာ ဆက်ဆံပါသည်။
(၆) အသင်းသားများ၏ အချက်အလက်များအား ချမှတ်ထားသောဥပဒေ၊ စည်းမျဉ်းစည်းကမ်းများနှင့်အညီ လျှို့ ဝှက်အချက်အလက်များ အနေနှင့် ထိန်းသိမ်းဆောင်ရွက်ပါမည်။
(၇) အီးဇီး အသေးစားငွေရေးကြေးရေးလုပ်ငန်းတွင် အဆင်မပြေမှု၊ တိုင်ကြားမှုများအား လက်ခံဖြေရှင်းပေးမည့်စနစ်လည်း ထားရှိထားပါသည်။
သဘာဝပတ်ဝန်းကျင်နှင့် လူမှုရေး လုပ်ငန်းစဉ်များ
အီးဇီး အသေးစားငွေရေးကြေးရေးလုပ်ငန်းအနေဖြင့် လုပ်ငန်းဆောင်ရွက်လျက်ရှိနေစဉ်အတွင်း သဘာဝပတ်ဝန်းကျင် ၊လူမှုရေးဆိုင်ရာအန္တရာယ် ဖြစ်စေနိုင်သောအခြေအနေများကို ကောင်းမွန်စွာ စီမံခန့်ခွဲဆောင်ရွက်ပါမည်။ ထို့ကြောင့် အီးဇီး အသေးစားငွေရေးကြေးရေး လုပ်ငန်းသည် ပြည်ထောင်စုသမ္မတ မြန်မာနိုင်ငံတော်၊ ဘဏ္ဍာရေးဝန်ကြီးဌာန၊ ငွေရေးကြေးရေးကြီးကြပ်စစ်ဆေးရေးဦးစီးဌာနထံမှ တရား ဝင်လုပ်ငန်းလိုင်စင်ရရှိထားသည့် ကုမ္ပဏီလီမိတက်တစ်ခု ဖြစ်ပါသည်။ သဘာဝပတ်ဝန်းကျင်နှင့်လူမှုဘဝများကို ထိခိုက်စေသည့် ဆောင်ရွက်ချက်များ လုပ်ဆောင်နေသည့်လုပ်ငန်းများကို ချေးငွေထုတ်ချေးပေးမည်မဟုတ်ပါ။ ထိုကဲ့သို့ ချေးငွေဝန်ဆောင်မှုပေးမည်မဟုတ်သည့်လုပ်ငန်းများကို ကန့်သတ်စာရင်းအနေဖြင့်သီးသန့်ဖော်ပြထားပါမည်။ ထို့အပြင် ကုမ္ပဏီမှ မိမိ၏ဝန်ထမ်းများအတွက် မျှတ၍ လုံခြုံစိတ်ချမှု အပြည့်အဝရှိသောလုပ်ငန်းခွင် (ကျား/မ၊ လူမျိုး၊ ဘာသာခွဲခြားခြင်းများ မရှိသည့်လုပ်ငန်းခွင်) အနေနှင့် အစဉ်အမြဲဖြစ်ပေါ်နေစေရန် ကြိုးပမ်းဆောင်ရွက်လျက်ရှိပါသည်။ ပြည်ထောင်စုသမ္မတမြန်မာနိုင်ငံတော်မှ ချမှတ်ထားသောဥပဒေ၊ အပြည်ပြည်ဆိုင်ရာဘဏ္ဍာရေး ကော်ပိုရေးရှင်း(International Finance Corporation) မှ ပြဌာန်းထားသော နိုင်ငံတကာစံသတ်မှတ်ချက်များအတိုင်း အပြည့်အဝလိုက်နာကာ ထိရောက်မှုရှိသော သဘာဝပတ်ဝန်းကျင်နှင့်လူမှုရေးဆိုင်ရာစီမံခန့်ခွဲမှုစနစ်တစ်ခုကိုလည်း အကောင်အထည်ဖော် ဆောင်ရွက်လျက်ရှိပါသည်။
အုပ်ချုပ်မှုနှင့် စီးပွားရေးဆိုင်ရာကျင့်ဝတ်နီတိ
အီးဇီး အသေးစားငွေရေးကြေးရေးလုပ်ငန်းသည် ကျင့်ဝတ်ဆိုင်ရာစံသတ်မှတ်ချက်များကို လိုက်နာပြီး လုပ်ငန်းတွင်းဖြစ်စေ ၊ လုပ်ငန်းပြင်ပ ဆောင်ရွက်ချက်များတွင်ဖြစ်စေ ရိုးသားမှု၊ သမာသမတ်ကျမှု၊ တရားမျှတမှုများ အစဉ်သဖြင့် ရှိနေစေရန် ဆောင်ရွက်လျက်ရှိပါသည်။ ဝန်ထမ်းများမှ အစဉ်လိုက်နာရန်လိုအပ်သည့် ကျင့်ဝတ်စည်းမျဉ်းများကိုလည်း ဆောင်ရွက်ထားရှိပါသည်။ ဝန်ထမ်းများသည် အသင်းသားများနှင့်ပတ်သက်ပြီး ကုမ္ပဏီမှ ချမှတ်ထားသော စည်းမျဉ်းစည်းကမ်းများအတိုင်း ဆက်ဆံဆောင်ရွက်ရန်နှင့် အကျိုးစီးပွား ပဋိပက္ခဖြစ်ပေါ်စေသည့် အခြေအနေမျိုးကို  ရှောင်ရှားရမည်ဖြစ်ပြီး အသင်းသား များထံမှဖြစ်စေ၊ ကုန်ပစ္စည်းတင်သွင်းသူများထံမှဖြစ်စေ လက်ဆောင်၊ ငွေကြေးတစ်စုံတစ်ရာ၊ အခြားတန်ဖိုးရှိသည့် ပစ္စည်း၊ ဝန်ဆောင်မှုတစ်စုံတစ်ခုကိုမျှ လက်ခံခွင့် မရှိပါ။  အီးဇီး အသေးစားငွေရေးကြေးရေးလုပ်ငန်းသည် လုပ်ငန်းနှင့်ဆက်စပ်သည့် ဆောင်ရွက်ချက်များအားလုံးတွင် လာဘ်ပေး လာဘ်ယူ၊ အကျင့်ပျက်ခြစားမှုများအား လုံးဝလက်သင့်ခံသွားမည် မဟုတ်ပါ။

ချမှတ်ထားသည့် စည်းမျဉ်းစည်းကမ်း၊ ဥပဒေများကို လိုက်နာသည့်အပြင် ငွေကြေးခဝါချမှု၊ အကြမ်းဖက်မှုများအား ငွေကြေးထောက်ပံ့မှု၊ လာဘ်ပေးလာဘ်ယူမှုနှင့် အကျင့်ပျက်ခြစားမှု၊ စီးပွားရေးပိတ်ဆို့မှုများကို ကိုင်တွယ်ဖြေရှင်းရန်ချမှတ်ထားသည့် နိုင်ငံတကာစံသတ်မှတ်ချက်များကို လိုက်နာဆောင်ရွက်သည့် ကောင်းမွန်သောအဖွဲ့အစည်းတစ်ခုအဖြစ် ရပ်တည်ဆောင်ရွက်လျက် ရှိပါသည်။

သက်ဆိုင်ရာအဖွဲ့အစည်းများနှင့် ပူးပေါင်းဆောင်ရွက်ရန်လိုအပ်ပါက ပွင့်လင်းမြင်သာစွာ ပူးပေါင်းဆောင် ရွက်မည်ဖြစ်သည်။

ကောင်းမွန်သော အုပ်ချုပ်မှုနှင့် စီးပွားရေးဆိုင်ရာကျင့်ဝတ်နီတိများကို လိုက်နာကျင့်သုံးသော အဖွဲ့အစည်းကောင်းတစ်ခုအနေဖြင့် ရပ်တည်ဆောင်ရွက်လျက်ရှိပါသည်။

လွဲမှားသည့်လုပ်ရပ်များ၊ လက်သင့်မခံနိုင်သည့်လုပ်ရပ်များကို အသင်းသားများမှဖြစ်စေ၊ ဝန်ထမ်းများမှဖြစ်စေ ဖော်ထုတ်တွေ့ရှိပါက သတင်းပေးနိုင်မည့် သင့်လျော်သည့်နည်းစနစ်တစ်ခု ကိုလည်း ဖော်ဆောင် ထားရှိပါသည်။ အကျဉ်းဖတ်ရန်