Easy Microfinance မှ မိမိ၏အသင်းသားများ Android Smart Phone မှတစ်ဆင့် အသုံးပြုနိုင်မည့် အပလီကေးရှင်းတစ်ခုကို စတင်မိတ်ဆက်လိုက်ပြီဖြစ်ကြောင်း ဂုဏ်ယူစွာဖြင့် အသိပေးအကြောင်းကြားလိုပါသည်။ ဤအပလီကေးရှင်းမှတစ်ဆင့် မိမိ၏ချေးငွေ၊ မဖြစ်မနေစုငွေ ပမာဏနှင့် ငွေလွှဲပြောင်းမှုဆောင်ရွက်ချက်ဆိုင်ရာ အချက်အလက်များကို အချိန်နှင့်တစ်ပြေးညီ စောင့်ကြည့်စစ်ဆေးနိုင်မည်ဖြစ်ပြီး အသင်းသားမှ ငွေလွှဲပြောင်းမှုလုပ်ဆောင်သည့်အချိန်တိုင်းတွင် မိမိဖုန်းမှတစ်ဆင့် အသိပေးအကြောင်းကြားမှုများကိုလည်း လက်ခံရရှိမည်ဖြစ်ပါသည်။ ဤအပလီကေးရှင်းတွင် Easy Microfinance နှင့် ၎င်း၏ဝန်ဆောင်မှုများဆိုင်ရာ အကြာင်းအရာများပါဝင်ပြီး ချေးငွေလျှောက်ထားရန် လိုအပ်ချက်များနှင့် အနီးဆုံးရုံးခွဲများ၊ အေးဂျင့်များ၏ တည်နေရာများလည်း ပါဝင်ပါသည်။ ထို့အပြင် အေးဂျင့်များထံတွင် ချေးငွေပြန်လည်ပေးသွင်းမှုများ ပြုလုပ်ရန်အတွက်လည်း ဤအပလီကေးရှင်းကို အသုံးပြုနိုင်မည်ဖြစ်ပါသည်။